شعر عن غرور البنات لا يطوفكم

شعر عن غرور البنات

قولي لهن وش عليكن اية مغروره
وان ما سمعن أقربي منهن وعيديها
تبختري وقفي أمشي بها الصورة
شديهن ابختره وأقفي وقوليها
قولي وقفي تخفي وسط مقصورة
تزيني وأرجعي لختك وحييها
تكلمن واقفات بروح مسرورة
تبسمن وأهمسي أختك وضميها
وامشي ومري مع الصالة على نورة
شوفي من الغيض كيف تفرك يديها
ومري وشوفي هنادي كيف مقهورة
من قهرها تخطف الشنطة وترميها
وشوفي بربك جواهر كيف مبهورة
والبندري وانظري بحصه وشوفيها
وشلون تاهت ملامحها ومعذورة
بس اسرقيها بنظراتك وخليها
روحي وحول الكراسي كملي دورة
واليا لقيتي مها بالكتف دفيها
وعدي على نوف قولي ذي تنورة
ياشين ذوقك عهد بريال ماشريها
ولفي الشعر واتركي خصلات منثوره
على جبينك وفي يسراك كفيها
وتبخري وانثري شعورك بها الصورة
واليا ملن النظر لخلاف رديها
وأخذي عباتك وقولي باي مسرورة
وأن ما سمعن أرفعي كفك وهزيها